Katika dunia ya sasa, pesa imekuwa mzizi wa tamaa, dhuluma na hofu ya kesho. Watu wanahangaika kupata kipato, wengine wanadhulumiwa, na wengi wanabaki maskini kwa sababu ya mfumo wa kifedha usio na huruma. Lakini katika Falme ya Ahmad, pesa haitakuwepo tena.
Hakutakuwa na kununua wala kuuza, hakuna cha kuiba wala cha kudhulumu. Kila kitu kitakuwa bure. Serikali tukufu ya Zumbe Ten’dii itahakikisha kila mtu anapata mahitaji yake bila masharti. Chakula, makazi, usafiri, matibabu, elimu – vyote vitatolewa bure kwa kila raia.
Mfumo huu unategemea uaminifu. Wakulima watalima kwa uaminifu wao kwa Zumbe Ten’dii, wasafirishaji watasafirisha kwa uaminifu wao kwa Zumbe Ten’dii, na wafanyakazi wa viwandani watazalisha bidhaa bora kwa uaminifu wao kwa Zumbe Ten’dii. Hakuna mtu atakayebaki bila huduma, hakuna familia itakayohangaika, hakuna mtoto atakayelala njaa.
Kwa nini uchumi wa bure? Kwa sababu tunataka kuondoa hofu ya kesho. Dunia moja yenye mshikamano, ambapo kila mtu anatimiza jukumu lake na kila mtu anapokea kile anachohitaji. Hii ni dunia ya usawa, dunia ya furaha, dunia ya uaminifu.
Utii kwa Ahmad ni utii kwa dunia bila dhiki.
Ni ahadi ya kuishi katika jamii yenye mshikamano, ambapo mali si chanzo cha mgawanyiko bali ni zawadi ya pamoja kwa vizazi vyote.
